O curso ten como obxectivo dotar de ferramentas o persoal empregado público para aumentar a súa capacidade de concentración, aprender a regular as emocións e a responder a calquera situación da forma adecuada. Ademais, incidirase na detección dos patróns de pensamento nocivos, mediante o uso da atención plena para potenciar a autoestima, as relacións persoais, a concentración, a consecución de obxectivos e o control do estrés. Todo isto enfocado a mellorar a produtividade, eficacia e eficiencia do alumnado no seu ámbito profesional.

Persoas destinatarias: o curso diríxese ao persoal empregado público, en situación de servizo activo ou asimilada, das administracións públicas de Galicia, tanto autonómica como local e de xustiza, dos entes instrumentais da Comunidade Autónoma e das universidades do Sistema universitario de Galicia.
Data: martes, 8 de maio de 2018
Horario: de mañá e tarde
Lugar: Escola Galega de Administración Pública, Santiago de Compostela
Duración: 8 horas 
Número de prazas: 40

Matrícula: desde as 8 horas do 26 de abril ata as 23.55 horas do 1 de maio en http://egap.xunta.gal/matricula 
Todas as persoas solicitantes, excepto as que pertenzan á Administración autonómica ou á Administración de xustiza, deberán acreditar por correo electrónico dirixido a novas.egap@xunta.gal a súa condición de persoal empregado público na data de publicación desta convocatoria.

Máis información na ficha do curso ou no DOG do 25 de abril