Escola Galega de Administración Pública
Xunta de Galicia - Vicepresidencia e Consellería de Presidencia, Administracións Públicas e Xustiza
Mapa web   |   Accesibilidade   |   Contacto
EGAP EGAPFORMACIÓN EGAP ABERTA EGAP HOXE EGAP A MÁIS

AVISO E RECOMENDACIÓN: O seu navegador web (Internet Explorer 6) está obsoleto o cal pode provocar que certos elementos se mostren descolocados ou non se carguen correctamente. Ademáis, tampouco poderá ver ben, populares webs como Youtube ou Facebook, entre outras moitas. Recomendámoslle actualizar o seu navegador nos enlaces seguintes:

Internet Explorer Mozilla Firefox Google Chrome Apple Safari Opera
  • Imagen 1 de 7   Imagen 2 de 7  

    A EGAP reforza a formación relativa a contratación pública nas entidades locais galegas

    Cursos / Martes, 19 de xuño de 2018.

    A Escola Galega de Administración Pública (EGAP) iniciou hoxe un curso monográfico de dous días centrado na nova Lei de contratos do sector público na Administración local. Esta actividade reuniu en Santiago de Compostela a 150 empregados públicos procedentes das entidades locais galegas que recibirán formación específica sobre as novidades máis destacadas da nova normativa. 


    Á inauguración desta actividade formativa asistiron Sonia Rodríguez-Campos, directora da EGAP; Marta Fernández-Tapias Núñez, directora xeral de Administración Local; Elena Barba Pan, secretaria da Xunta Consultiva de Contratación Administrativa; e Patricia Iglesias Rey, xefa do Gabinete de Estudos e Dereito Comunitario da Asesoría Xurídica Xeral.

    Durante este acto, a directora da EGAP destacou a importancia deste curso monográfico ao lembrar que “a contratación é unha das actividades que máis traballo supón nas entidades locais, tanto polo seu volume como pola súa complexidade”.

    A aprobación da nova Lei de contratos do sector público supuxo na Escola un reforzo da dita materia tanto a través da convocatoria de novos cursos de formación continua como de cursos superiores ou monográficos co fin de lograr unha Administración máis áxil, transparente e eficiente. “Neste contexto de cambio o papel de organismos como a EGAP é fundamental ao ofertar unha formación de calidade aos profesionais das administracións para axudarlles a xestionar do mellor xeito posible unha materia tan complexa como a contratación”, sinalou Sonia Rodríguez-Campos.

    Por outra banda, a directora xeral de Administración local recoñeceu a importancia de organizar xornadas coma esta co obxectivo de acadar unha administración máis eficiente e co fin de axudar a resolver as dúbidas que poidan xurdir na aplicación da nova Lei, xa que de todas as administracións que se inclúen na aplicación desta norma é a Administración local a que se atopa “con máis dificultades para a súa interpretación e o seu cumprimento”, ao contar con menos medios materiais e humanos e coas mesmas obrigas legais. 
  •   Anterior Seguinte  
    Pax 687 de 718
© Xunta de Galicia. Información mantida e publicada na internet pola Xunta de Galicia
Oficina de Rexistro e Información | Suxestións e queixas | Aviso legal | Atendémolo/a | RSS
Turismo de Galicia