A través do convenio de colaboración asinado entre a Escola Galega de Administración Pública (EGAP) e o Instituto Galego de Consumo e da Competencia (IGCC) convócase un curso sobre comercio electrónico na modalidade de teleformación.
Obxectivos: Explicar os pasos a seguir para facer compras na internet dun xeito seguro e, especificamente, os aspectos máis importantes para evitar fraudes: identificación de páxinas seguras e dos distintos medios de pago; explicación da posibilidade de abandonar a compra e descrición das vantaxes e dos inconvenientes no emprego da banca electrónica na compra en liña. Habilitar o alumnado participante para o manexo da ferramenta en liña simulador de compras do Instituto Galego do Consumo e da Competencia, co obxectivo de realizar compras seguras na internet. Dar a coñecer os dereitos específicos das persoas consumidoras e como presentar unha reclamación no caso das compras efectuadas a distancia.
Destinatarios/as: o persoal do IGCC; da Dirección Xeral de Xuventude, Participación e Voluntariado, dos Espazos Xoves e das OMIX.
Modalidade: teleformación
Duración: 20 horas
Edicións: 1
Datas: do 23 de outubro ao 23 de novembro de 2018
Proba final: 23 de novembro: das 9.00 ás 14.00 horas
Máis información no
DOG do 8 de outubro ou na
ficha do curso.