A lei do ano 1956 culminou o proceso de implantación da xurisdición contencioso-administrativa en España coa creación dunha figura, a dos/as maxistrados/as especialistas, que impulsou o seu desenvolvemento xunto cos/as maxistrados/as que procedían da quenda xeral da carreira xudicial.
Corenta e dous anos despois viu a luz o texto actualmente vixente, en relación ao cal viñéronse producindo diversas modificacións, singularmente en materia de competencias, costas procesuais e, sobre todo, no réxime xurídico do recurso de casación.
Neste intre o debate céntrase na cuestión de se é necesario un novo texto legal ou, pola contra, basta o vixente con modificacións puntuais nalgúns institutos que cada vez teñen maior incidencia, entre os que destacan a mediación; a posibilidade de volver sobre as costas procesuais para eliminar o vencemento obxectivo; a necesidade de xeneralizar un procedemento abreviado, mesmo ante os órganos colexiados, ou a de implantar a dobre instancia no contencioso-administrativo e, deste xeito, dar o seu propio sentido ao recurso de casación.
Destinatarios: persoal empregado público, en situación de servizo activo ou asimilada, das administracións públicas de Galicia, tanto de xustiza como autonómica e local, dos entes instrumentais da comunidade autónoma, das universidades do Sistema universitario de Galicia, profesionais e persoas interesadas en xeral.
Lugar: EGAP, rúa Madrid, 2-4, Santiago de Compostela
Data: 28 de novembro de 2018
Horario: mañá e tarde
Duración: 8 horas lectivas
Matrícula: desde as 8h do 13 de novembro ata as 23:55 h do 23 de novembro en
https://egap.xunta.gal/matricula
Máis información no
DOG do 12 de novembro ou na
ficha da xornada.