A Escola Galega de Administración Pública, xunto coa Asociación Galega de Arte e Cultura, abre o prazo de solicitude para participar na Mostra de arte das Letras Galegas do ano 2019. Poderá participar o persoal empregado público ao servizo da Administración xeral da Comunidade Autónoma de Galicia e das entidades públicas instrumentais do sector público autonómico de Galicia.
Modalidades: Pintura, escultura, fotografía, gravado, colaxe, debuxo, cerámica, tapiz, vídeo e calquera outra especialidade artística que implique a utilización de novas tecnoloxías ou materiais, maquetas, origami (papiroflexia), etc.
Requisitos:
-
Cada participante só poderá presentar unha obra por modalidade artística.
-
Enviará unha solicitude debidamente cuberta e asinada utilizando o modelo anexo ao enderezo de correo electrónico agaec2016@gmail.com.
-
Achegará unha fotografía dos traballos que presenta (un por modalidade), en formato jpg, cunha resolución mínima de 300 píxels (a dimensión da/s obra/s non poderá exceder de 100 x 100 cm; para escultura as medidas máximas establécense en 150x70x50 cm).
-
Enviará tamén a ficha técnica da/s obra/s (título, técnica, medidas e prezo) en galego.
-
Para facilitar a elaboración do catálogo e o rexistro da información, deberá cubrirse debidamente o seguinte formulario:
-
https://goo.gl/forms/YnrwCgfOC1zke7vt2
Prazo máximo de entrega da documentación: 22 de abril de 2019
Entrega das obras: o 9 ou o 10 de maio na EGAP, en horario de 9.00 h a 18.00 h
Máis información e modelo de solicitude no PDF anexo.