A EGAP inicia a publicación electrónica das súas revistas científicas
Publicacións / Luns, 25 de Novembro de 2019.
A Escola Galega de Administración Pública (EGAP) estrea un novo formato dixital para as súas revistas coa publicación do número 57 da Revista Galega de Administración Pública (Regap). Todos estes cambios teñen como finalidade non só facer máis accesibles os contidos á cidadanía e facilitar o achegamento do coñecemento científico á sociedade, senón tamén mellorar a súa catalogación nas principais bases de datos de publicacións científicas.
Este novo sistema permite o manexo eficiente e unificado do proceso editorial á vez que sirve para xestionar integramente as publicacións de maneira electrónica en todas as súas fases. Grazas a isto, increméntase a transparencia dos procesos e ofrece certas vantaxes aos lectores como a creación de alertas por temas ou palabras clave.
O número 57 da Regap xa dispoñible de xeito gratuíto para a súa lectura e descarga en
https://egap.xunta.gal/revistas.