Ciclo de conferencias Dereito administrativo, dignidade humana e emerxencia
Xornadas / Venres, 27 de Novembro de 2020.
A EGAP convoca un ciclo de conferencias sobre "Dereito administrativo, dignidade humana e emerxencia" na modalidade de telepresenza coa finalidade de expoñer a incidencia que as situacións de emerxencia humanitaria, como a actual pandemia, producen nas principais categorías e institucións do Dereito Administrativo e da Administración pública.
Persoas destinatarias: o persoal empregado público, en situación de servizo activo ou asimilada, da Administración autonómica e dos seus entes instrumentais e da Administración local da Comunidade Autónoma de Galicia.
Modalidade: telepresenza
Horario: de 12 a 13.30 horas
Duración: 1,5 horas lectivas cada conferencia, 6 horas o ciclo completo.
Prazas: 60
Inscrición: en
https://egap.xunta.gal/matricula nas datas indicadas a continuación. Para inscribirse en máis dunha conferencia é preciso realizar a matrícula en cada unha delas de xeito individual. A asistencia ás catro conferencias dará dereito á obtención do certificado electrónico acreditativo da participación no ciclo.
Conferencias:
-
2 de decembro: Dereito administrativo e dignidade humana (matrícula dispoñible das 8 horas do 28 de novembro ás 23.55 horas do 30 de novembro)
-
9 de decembro: O Dereito administrativo nas emerxencias humanitarias (matrícula dispoñible das 8 horas do 28 de novembro ás 23.55 horas do 3 de decembro)
-
16 de decembro: O dereito á boa administración en tempos de pandemia (matrícula dispoñible das 8 horas do 28 de novembro ás 23.55 horas do 10 de decembro)
-
20 de xaneiro: Os desafíos do Dereito administrativo global en tempos de crise (matrícula dispoñible das 8 horas do 28 de novembro ás 23.55 horas 14 de xaneiro)