A sesión abordará o uso de certificados dixitais na Xunta de Galicia cunha dobre perspectiva:

• Uso interno nas administracións públicas: certificados de empregado público, certificados de selo electrónico para actuacións administrativas automatizadas e portasinaturas corporativo.
• Cidadanía: sede electrónica da Xunta de Galicia. Proxecto Chave 365. Sala electrónica de sinaturas.

A formación constará dunha introdución xurídica e posterior práctica nas aulas de informática da escola.

Persoas destinatarias: 

• O persoal empregado público, en situación de servizo activo ou asimilada, da Administración autonómica galega e dos seus entes instrumentais. Neste grupo de persoas destinatarias priorizarase a inscrición daquelas persoas solicitantes que poidan xustificar debidamente que as súas funcións están directamente relacionadas coa materia impartida.
• A cidadanía: profesionais e persoas interesadas no manexo das aplicacións descritas na súa relación coa Administración.

Lugar: Escola Galega de Administración Pública (EGAP), rúa Madrid 2-4, Santiago de Compostela.
Datas: martes, 2 de febreiro ou martes, 16 de febreiro
Horario: mañá e tarde
Duración: 6 horas lectivas 
Número de prazas para cada sesión:

• Persoal empregado público: 16
• Cidadanía: 13

Inscrición: 

• Para a xornada do 2 de febreiro: dende as 8 horas do 20 de xaneiro ata as 23.55 horas do día 26 de xaneiro en https://egap.xunta.gal/matricula
• Para a xornada do 16 de febreiro: dende as 8 horas do 20 de xaneiro ata as 23.55 horas do 8 de febreiro en https://egap.xunta.gal/matricula

AVISO
As xornadas de formación práctica dixital (E-martes) previstas para os días 2 e 16 de febrero suspéndense por mor da actual situación sanitaria. Estas actividades retomaranse en canto o permita a situación derivada da pandemia, mantendo a inscrición na orde correspondente. Comunicaremos as novas datas con antelación suficiente ao inicio destas actividades.