A EGAP, en colaboración coa Consellería de Política Social, convoca un curso que ten como finalidade capacitar o persoal que opta a postos de inspección de servizos sociais ou que presta apoio á inspección de servizos sociais nos coñecementos específicos dos diferentes ámbitos de actuación e nas habilidades necesarias para o correcto desenvolvemento destas funcións.
Persoas destinatarias: persoal funcionario dos subgrupos A1, A2 e C1 e persoal laboral dos grupos I e II da Administración da Comunidade Autónoma de Galicia que se encontre en situación de servizo activo ou asimilada. Terán preferencia na selección as persoas con titulación universitaria (licenciatura ou grao correspondente) en dereito, psicoloxía, pedagoxía, psicopedagoxía, educación social, relacións laborais, traballo social, ciencias políticas, socioloxía, terapia ocupacional, enfermaría, fisioterapia ou medicina.
Modalidade de desenvolvemento: mixta (presencial e teleformación)
Duración: 120 horas (45 horas lectivas presenciais e 75 horas en liña)
Datas: do 20 de maio ao 29 de xuño de 2021
Matrícula: desde as 8 horas do 27 de abril ata as 23.55 horas do 10 de maio en
https://egap.xunta.gal/matricula Dentro do prazo de presentación das solicitudes as persoas solicitantes deberán remitir ao correo electrónico: novas.egap@xunta.gal unha copia das súas titulacións.