O webinario vai dirixido ao persoal empregado público da Administración xeral da Xunta de Galicia e das entidades instrumentais pertencente ao Subgrupo A1 e A2, preferentemente que ocupe postos de estrutura, e abranguerá as novidades máis significativas do Plan xeral de xestión e mellora da calidade dos servizos do sector público autonómico de Galicia 2021-2023, así como os compromisos da Comunidade autónoma galega no IV Plan de Goberno Aberto.

A actividade poderá seguirse de maneira presencial, cun máximo de 36 participantes, ou a través de videoconferencia, cun máximo de 150 participantes e para participar será imprescindible matricularse a través da Zona de matrícula da EGAP:

1. Entrar en https://egap.xunta.gal/matricula
2. Seleccionar a área de Réxime xurídico e actividade financeira das administracións públicas
3. Seleccionar a actividade Plan xeral de xestión e mellora da calidade dos servizos do sector público autonómico de Galicia e escoller entre a modalidade presencial (PU21016) ou en telepresenza (PU21017)

O prazo para inscribirse abranguerá do día 14 ao 19 de maio.