Webinario As reformas administrativas poscrise: balance xeral
Xornadas / Mércores, 9 de Xuño de 2021.
No marco do ciclo de conferencias sobre "Presente e futuro do emprego público na Administración pos COVID", a EGAP convoca o webinario "As reformas administrativas poscrise: balance xeral" que terá lugar o 17 de xuño na modalidade de telepresenza.
En tempos de crise, con afectación da economía, as formulacións de reforma e mellora da Administración xeneralízanse como respostas ineludibles. Ao ser positiva a intención de minimizar os efectos negativos deste tipo de situacións, non pasa desapercibido que a maioría das medidas adoptadas, por evidentes e adecuadas en todo momento, necesitasen para a súa implementación un contexto de crise e dificultade.
Este seminario web ten como principais
obxectivos:
-
Identificar e analizar o denominador común das medidas adoptadas no ámbito da Administración durante períodos de crise, con especial atención ás propostas con ocasión da emerxencia sanitaria.
-
Analizar a atención recibida por parte dos servidores públicos no contexto das medidas adoptadas.
-
Constatar a coherencia entre as condicións xurídicas e materiais do desempeño público e os obxectivos de mellora expostos polas medidas adoptadas.
Persoas destinatarias: o persoal empregado público, en situación de servizo activo ou asimilada, das administracións públicas da Comunidade Autónoma de Galicia, dos seus entes instrumentais e das universidades do Sistema universitario de Galicia.
Data: xoves 17 de xuño de 2021
Modo de impartición: telepresenza
Horario: das 12.00 ás 14.00 horas
Duración: 2 horas lectivas
Número de prazas: 60.
Inscrición: desde as 8 horas do 10 de xuño ata as 23.55 horas do 14 de xuño en https://egap.xunta.gal/matricula