Escola Galega de Administración Pública
Mapa web   |   Accesibilidade   |   Contacto
EGAP EGAPFORMACIÓN MULTIMEDIA ACTUALIDADE COÑECEMENTO

    Os fondos europeos de recuperación centrarán os contidos do próximo número da revista Administración & Cidadanía

    Publicacións / Martes, 21 de Decembro de 2021.

    Esta mañá reuníuse na EGAP e por videoconferencia o consello editorial da revista Administración & Cidadanía, dirixida pola directora da Escola, Sonia Rodríguez-Campos, para aprobar os contidos do volume 16 número 2 (xullo-decembro 2021)


    O próximo número desta publicación, que estará dispoñible nas próximas semanas, incluirá varios artigos relacionados cos fondos europeos de recuperación. Así, publicarase o texto do profesor de Economía Aplicada da Universidade de Vigo, Alberto Vaquero García, e da profesora da Universidade de Santiago, María Cadaval Sampedro, titulado ¨Que podemos agadar dos fondos europeos?¨; e o Conselleiro do Consello de Contas de Galicia, Simón Rego Vilar, escribirá sobre os OCEX e a auditoría dos fondos Next Generation.

    Tamén, coa mesma temática dos fondos europeos, incluiranse os artigos do catedrático de Dereito Administrativo da Universidade de Salamanca, Marcos M. Fernando Pablo, sobre a vella e nova colaboración pública-privada na execución do plan de recuperación, transformación e resiliencia; e do subdirector xeral de Planificación da Xunta, Ángel Luis Tarrío Tobar, sobre o orzamento da UE a longo prazo 2021-2027 e o instrumento de recuperación Next Generation.

    Por outra banda, Luis Barreiro Castro, analizará a influencia electoral do poder local. O caso de Galicia (2000-2020); Lorena Cruz González, técnica da Administración Xeral do Concello de Ourense, tratará no seu artigo sobre a acción pública no ámbito urbanístico; e o profesor da Universidade Central de Venezuela, Gustavo Adolfo Amoni Reverón, abordará os dereitos ante decisións xudicais e administrativas algorítmicas recoñecidos nos casos Cada, Loomis, Lazio e SyRi.

    Ademais, a revista incluirá os artigos do profesor da Universidade de Santiago, Alfonso A. López Rodríguez, e dos investigadores Andrés Díaz-Varela López e Álvaro González Gómez sobre a nova extrema dereita en Portugal o caso de Chega; e Manuel Octavio del Campo, Vanessa Miguéns Refojo e Ana Cid Bouza analizarán sobre o diagnóstico territorial: un instrumento na defensa da provisión dos servicios públicos locais.

    Finalmente, a publicación conterá unha nota de Fernando Blanco Silva, profesor e enseñeiro industrial da Xunta de Galicia, sobre os criterios de actualización profesional do traballador público; e dúas reseñas dos libros de Ignacio Álvarez Rodríguez "Os diálogos metaxudicias en Estrasburgo. O Tribunal Europeo de Dereitos Humanos e o Comité para a prevención da tortura", de Alejandro Villanueva Turnes; e da publicación de Rafael Oliver Cuello "Administración electrónica no ámbito tributario", escrito por José Manuel González Dona.

    Administración & Cidadanía creada no ano 2006 é unha revista semestral que pretende ofrecer un novo enfoque sobre a realidade organizativa e xerencial da Administración pública e achegar novas perspectivas ao estudo dos procesos de intervención pública e do seu impacto desde as perspectivas económica, xurídica, política e sociolóxica.
  •   Anterior Seguinte  
    Pax 987 de 1045
SIGUENOS ...
 
Matrícula
 
AULA VIRTUAL
 
CONTIDOS RELACIONADOS
 
CONTACTO
© Xunta de Galicia. Información mantida e publicada na internet pola Xunta de Galicia
Oficina de Rexistro e Información | Suxestións e queixas | Aviso legal | Atendémolo/a | RSS
Ir a información de Xacobeo 212