Acceso aos contidos
Os contidos dos cursos de autoformación estarán dispoñibles a partir do día 6 de abril e ata o 20 de decembro de 2022, agás para os contidos sobre a Lei 9/2021, do 25 de febreiro, de simplificación administrativa e de apoio á reactivación económica de Galicia, que estarán dispoñibles a partir do 1 de xullo de 2022, e os contidos sobre acción exterior das administracións públicas galegas: Lei 10/2021, do 9 de marzo, reguladora da acción exterior e da cooperación para o desenvolvemento de Galicia, e sobre a Lei 5/2021, do 2 de febreiro, de impulso demográfico de Galicia, que estarán dispoñibles a partir do día 1 de outubro de 2022.
A solicitude de acceso aos contidos poderá facerse en https://egap.xunta.gal/matricula
Cada persoa determinará libremente o número de contidos nos que queira inscribirse e o período durante o cal vai traballar na actividade ou actividades do programa de autoformación elixidas.
O acceso aos contidos non implica a obriga de presentarse ás probas de avaliación nin é tampouco un requisito para matricularse nelas nin dá dereito á expedición dun diploma.

Probas de avaliación
Teñen a finalidade de acreditar a competencia nas materias convocadas mediante un exame e conseguir un certificado de equivalencia.
Matrícula: desde as 8 horas do 6 de marzo ata as 23.55 horas do 31 de maio en https://egap.xunta.gal/matricula
O número máximo de probas de avaliación das actividades do programa de autoformación que se poden solicitar limítase a cinco.

Información sobre o funcionamento do programa de autoformación da EGAP aquí.