A Escola Galega de Administración Pública, ao abeiro do Instituto de Economía Pública de Galicia, convoca un curso monográfico dirixido a ofrecerlle ao alumnado unha visión xeral da fiscalidade internacional e comunitaria que lle permita comprender e profundar no coñecemento dos criterios ou puntos de conexión utilizados para a repartición das competencias fiscais entre os Estados; da determinación da residencia fiscal e os problemas que dela derivan; dos tipos de réximes fiscais, en especial as denominadas xurisdicións non cooperativas (paraísos fiscais), así como as medidas de que se dotan os países para evitaren a evasión fiscal e a erosión de bases impoñibles; do fenómeno da sobreimposición internacional e os mecanismos arbitrados para combatela; da tributación dos non residentes; da natureza e as clases de tributos que gravan o comercio internacional e o comercio electrónico e do proceso de integración económica europea e as limitacións fiscais que derivan para os Estados membros das liberdades de circulación no mercado interior europeo.