A próxima publicación incluirá dous estudos sobre a responsabilidade patrimonial da Administración: “Responsabilidade patrimonial polo impacto da normativa covid-19 no exercicio das actividades económicas” de José Ángel Oreiro Romar, secretario xeral do Consello Consultivo de Galicia e letrado da Xunta de Galicia; e “Responsabilidade patrimonial e covid” de Santiago González-Varas Ibáñez, catedrático de Dereito administrativo da Universidad de Alicante.

Ademais, o número 64 incluirá os estudos “Financiamento dos municipios pequenos e despoboamento” de Francisco Velasco Caballero, catedrático de Dereito administrativo da Universidad Autónoma de Madrid; e “A resposta da Administración contra a homofobia e o seu control xurisdicional no orde interno e europeo” de Omar Bouazza Ariño, catedrático de Dereito administrativo da Universidad Complutense de Madrid. 

Completarán o número os comentarios de xurisprudencia contencioso-administrativa do maxistrado Francisco de Cominges Cáceres; “A magmática localización no sistema de fontes do acordo de funcionarios” de Francisco José Santandreu Capón, doutor en Dereito; “Reclamación das retribucións complementarias dun posto de categoría superior” de Ángela María Viqueira Allo, funcionaria da Administración local con habilitación de carácter nacional, subescala de secretaría-intervención; e “O desafío do sector público ante a aplicación da Directiva de protección do informante. As canles de denuncia” de Patricia Iglesias Rey, letrada da Xunta de Galicia e letrada maior do Consello de contas.

Todos estes contidos poderán ser consultados de balde na edición electrónica da Revista Galega de Administración Pública, no enderezo https://egap.xunta.gal/revistas/REGAP.