Xornada de formación práctica dixital (E-martes) sobre o Rexistro Electrónico na Xunta de Galicia
Xornadas / Luns, 5 de Decembro de 2022.
En colaboración coa Axencia para a Modernización Tecnolóxica de Galicia e no marco da iniciativa Universo EGAP Innova, a EGAP convoca unha nova xornada de formación práctica dixital (E-martes) sobre o Rexistro Electrónico na Xunta de Galicia que terá lugar o 13 de decembro.
Persoas destinatarias:
-
O persoal empregado público en situación de servizo activo ou asimilada da Administración xeral da Comunidade Autónoma de Galicia, dos seus entes públicos instrumentais e da Administración institucional. Neste grupo de persoas destinatarias priorizarase a inscrición daquelas persoas solicitantes que poidan xustificar debidamente que as súas funcións están directamente relacionadas coa materia impartida.
-
A cidadanía: profesionais e persoas interesadas na materia impartida.
Lugar: Escola Galega de Administración Pública (EGAP), rúa Madrid, 2-4, Santiago de Compostela.
Data: o martes 13 de decembro
Horario: de mañá e tarde
Duración: 7 horas lectivas
Número de prazas: 50
Matrícula: desde as 9.00 horas do 6 de decembro ata as 23.55 horas do día 11 de decembro na área de matrícula da EGAP.