A Escola Galega de Administración Pública, en colaboración coa Vicepresidencia Primeira e Consellería de Economía, Industria e Innovación, convoca tres actividades en telepresenza sobre Boas prácticas na xestión pública. Mellora regulatoria e regulación intelixente: instrumentos de simplificación e redución de cargas administrativas para a dinamización económica.
Obxectivos: analizar o contexto normativo, de funcionamento e organizativo existente na actualidade para aplicar as mellores prácticas na xestión pública orientada á reactivación económica, cun enfoque práctico e aplicativo. Ao longo do presente ciclo examinaranse as principais liñas de simplificación e redución de cargas administrativas, as posibilidades que ofrece o marco regulatorio autonómico e o papel que poden desenvolver as entidades locais no proceso, dando a coñecer as iniciativas máis destacadas para o aliñamento na actuación das distintas administracións con competencias na materia.
Contidos e datas:
-
Webinario 1. Simplificación administrativa e revisión crítica dos procedementos de xestión (8 de maio)
-
Webinario 2. Medios de intervención nas actividades de servizos e a súa interacción co urbanismo (22 de maio)
-
Webinario 3. Boas prácticas regulatorias e triple test para a supresión de barreiras ás actividades de servizos: obrigas legais (29 de maio)
Horario: de 9 a 11 horas
Persoas destinatarias: o persoal empregado público, en situación de servizo activo ou asimilada, da Administración autonómica galega, das súas entidades públicas instrumentais e da Administración institucional, así como ao persoal empregado público da Administración local de Galicia.
Prazas: 100 para cada webinario
Inscrición: na área de matrícula da EGAP nas seguintes datas:
-
Webinario 1: das 9 horas do 24 de abril ás 23.59 horas do 2 de maio.
-
Webinario 2: das 9 horas do 24 de abril ás 23.59 horas do 15 de maio.
-
Webinario 3: das 9 horas do 24 de abril ás 23.59 horas do 24 de maio.