Xornada Réxime xurídico da enerxía eólica na Comunidade Autónoma de Galicia: perspectiva xurisdicional e administrativa
Xornadas / Martes, 12 de Setembro de 2023.
A Escola Galega de Administración Pública organiza o próximo 21 de setembro unha xornada dirixida a proporcionar unha visión global do réxime xurídico do sector eólico en Galicia tanto desde a perspectiva xurisdicional, nos ámbitos constitucional e contencioso-administrativo, como desde a perspectiva procedemental, con especial fincapé nos aspectos ambientais.
Persoas destinatarias: o persoal empregado público, en situación de servizo activo ou asimilada, da Administración autonómica galega, das súas entidades públicas instrumentais e da Administración institucional, da Administración local, da Administración de xustiza e das universidades do Sistema universitario de Galicia.
Lugar: salón de actos da EGAP, rúa Madrid, 2-4, Santiago de Compostela.
Modalidade: presencial.
Data: 21 de setembro de 2023.
Horario: de mañá e tarde.
Horas lectivas: 8.
Número de prazas: limitado pola capacidade do local.
Inscrición: desde as 9 horas do 13 de setembro ata as 23.59 horas do 19 de setembro na área de matrícula da EGAP.