No acto de inauguración, tamén participaron os directores académicos da nova actividad formativa, o xefe do Servizo de Proxectos e Estratexias cos Fondos Europeos do Concello da Coruña, José Manuel Peña Penabad, e o consultor da empresa Estratexia e Organización, Juan Arredondo de la Fuente. O curso superior, que terá lugar desde hoxe ata o 26 de xuño, ten unha duración de 40 horas lectivas.

A directora da EGAP, Sonia Rodríguez-Campos, destacou a importancia do curso superior "que busca profundar nos distintos aspectos que conforman a Axenda Urbana española, unha folla de roteiro que vai marcar a estratexia e as accións para levar a cabo ata o ano 2030 para facer dos nosos pobos e cidades ámbitos de convivencia amables, inclusivos, acolledores, saudables, seguros e concienciados co medio ambiente".

Ademais, Sonia Rodríguez-Campos sinalou que a Axenda Urbana se constitúe "como un proceso de carácter dinámico e en permanente actualización e adaptación aos cambios que se vaian producindo en cada contexto territorial. Para iso, promove a participación e implicación activa dos actores públicos locais e da cidadanía".

A directora da EGAP afirmou que a participación cidadá "xoga un papel fundamental porque non é posible elaborar unha estratexia de cidade se non se ten en conta a opinión dos cidadáns. Esta estratexia só será lexítima se dita partipación de todos é real e efectiva".

Sonia Rodríguez-Campos lembrou que "a única maneira de mostrar tanto á cidadanía como á propia organización municipal cales son os obxectivos de partipación é facendo que a cidadanía séntase corresponsable e que os documentos se conformen de abaixo a arriba. Para iso, será necesario contar co apoio de actores, tanto internos como externos, das propias Administracións públicas e do sector privado, do mundo académico, do terceiro sector, da sociedade civil, etc".

Finalmente, resaltou que o principal beneficio que achega a Axenda Urbana "é a capacidade de ordenar a toma de decisións cunha visión estratéxica de maneira que todas elas sexan coherentes, sistemáticas, integradas e baseadas na coordinación e cooperación de todas as áreas dos Concellos, e co resto das administracións e axentes involucrados". Ademais, engadiu que "se trata de contar con estratexias globais que teñan en conta factores sociais, económicos, territorais e ambientais, baixo o prisma da sustentabilidade".

Programa do curso

Os obxectivos do curso superior son profundar nos distintos aspectos que conforman a Axenda Urbana española e a súa dimensión estratéxica; dar a coñecer ao persoal da Administración pública galega as distintas oportunidades de financiamento vinculadas ás axendas urbanas locais, a través do Marco financeiro plurianual 2021-2027 e do Plan de recuperación, transformación e resiliencia.

Tamén, se analizarán os distintos compoñentes que conforman unha axenda urbana local e na imbricación destos na súa elaboración e execución; daranse a coñecer experiencias e estudos de caso a nivel galego, autonómico e nacional de axendas urbanas locais coa presenza de representantes de distintos concellos de España e profundarase, a través destes casos, no uso de determinados instrumentos e metodoloxías empregados.

Por último, no curso superior estudiaranse os aspectos clave da próxima convocatoria de axudas Feder nas estratexias territoriais integradas.