Convocatoria dos cursos de linguaxe administrativa e xurídica galega
A Escola / Xoves, 30 de Xaneiro de 2025.
A EGAP convoca un total de 37 edicións e 925 prazas en teleformación de cursos de linguaxe administrativa e xurídica galega, dirixidas ao persoal empregado público destinado nas administracións territoriais, institucionais e entes públicos instrumentais do sector público da Comunidade Autónoma de Galicia, así como ao persoal da Administración de xustiza de Galicia e ao PAS das universidades galegas.
Persoas destinatarias: o persoal ao servizo da Administración pública da Comunidade Autónoma, das entidades públicas instrumentais e da Administración institucional de Galicia; da Administración de xustiza; das entidades locais de Galicia; e de administración e servizos (PAS) das universidades do SUG.
Requisitos de acceso: é necesario ter validado ou superado, na data de publicación desta resolución, algún dos cursos que se indican a seguir:
-
Para optar ao curso superior: O curso medio de linguaxe xurídica galega, ou o curso medio de linguaxe administrativa galega ou calquera dos cursos equivalentes a estes que se establecen no artigo 5.2 da Orde do 13 de xuño de 2011 pola que se regulan os cursos de linguaxe administrativa e xurídica galegas (DOG núm. 121, do 24 de xuño).
-
Para optar ao curso medio: O Celga 4, ou os cursos de iniciación e perfeccionamento de lingua galega, ou o curso básico de linguaxe administrativa galega, ou o curso básico de linguaxe xurídica ou o curso básico de linguaxe administrativa sanitaria, segundo se establece no artigo 3.4 da Orde do 13 de xuño de 2011 pola que se regulan os cursos de linguaxe administrativa e xurídica galegas (DOG núm. 121, do 24 de xuño).
Solicitudes: desde as 9 horas do 31 de xaneiro ata as 14 horas do 7 de febreiro na área de matrícula da EGAP. Cada persoa só poderá solicitar unha edición dos cursos convocado