Persoas destinatarias: O persoal ao servizo da Administración pública da Comunidade Autónoma, das entidades públicas instrumentais e da Administración institucional de Galicia; da Administración de xustiza; das entidades locais de Galicia; e persoal técnico, de xestión e de administración e servizos (PTXAS) das universidades do Sistema Universitario de Galicia (en diante SUG), que se atope en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral) e que reúna os requisitos establecidos na convocatoria.

Esta proba de certificación compleméntase coa posta a disposición das persoas interesadas de contidos en liña en réxime da autoformación, de uso voluntario, para adquirir os coñecementos, habilidades e actitudes dixitais, e que servirá de referencia antes de presentarse á proba de certificación.

Acceso aos contidos: O acceso aos contidos poderá solicitarse, a través da área de matrícula, dende o 29 de xuño ata o 30 de decembro de 2026. O acceso aos contidos non implica a obriga de presentarse ás probas de avaliación nin dá dereito á expedición dun diploma.

Probas presenciais de avaliación: Teñen a finalidade de acreditar a competencia nas materias convocadas mediante un exame e acadar os certificados galegos de competencias dixitais nivel iniciación e nivel intermedio (COMDIX-iniciación) e (COMDIX-intermedio) emitidos porla AMTEGA.

Matrícula: desde as 9 horas do 19 de xuño ata as 14 horas do 26 de xuño.

Soamente se poderá presentar unha solicitude de inscrición por persoa participante, sendo excluídos automáticamente aquelas persoas solicitantes que figuren inscritos en máis dunha localidade ou horario.

Máis información:

https://www.xunta.gal/dog/Publicados/2026/20260618/AnuncioO150-100626-0001_gl.pdf

https://egap.xunta.gal/matricula/