Novas

A Escola Galega de Administración Pública e o Parlamento de Galicia poñen en marcha dous cursos en teleformación de lingua inglesa grazas á sinatura dun convenio de colaboración entre as dúas entidades. Estas actividades están dirixidas exclusivamente ao persoal do Parlamento de Galicia.

A Escola Galega de Administración Pública e o Instituto Galego da Calidade Alimentaria (Ingacal) poñen en marcha tres cursos en teleformación de ofimática grazas á sinatura dun convenio de colaboración entre as dúas entidades. Estas actividades están dirixidas aos empregados do Ingacal e ao persoal ao servizo da Administración autonómica da Xunta de Galicia que desenvolva as súas funcións nos centros coordinados polo Ingacal.

Por vez primeira, a Escola recolle nun único documento as actividades formativas previstas para o ano 2014 destinadas ao persoal das Administracións autonómica, de xustiza e local; establecendo as principais áreas formativas que constitúen o marco xeral para mellorar a cualificación e a capacitación profesional dos traballadores de cada un destes ámbitos.

A Escola Galega de Administración Pública ofrecerá máis de 16.000 prazas formativas para os empregados da Administración autonómica ao longo de 2014, o que supón un incremento do cinco por cento con respecto ao 2013. Así se recolle no Plan de Formación para o vindeiro ano que a directora da Escola, Sonia Rodríguez-Campos, presentou onte ao Consello Reitor, presidido polo vicepresidente da Xunta, Alfonso Rueda.

A partir do 1 de xaneiro de 2015 entrarán en vigor as novas instrucións de contabilidade local, recentemente aprobadas mediante distintas ordes do Ministerio de Facenda e Administracións Públicas, que serán de aplicación para as entidades locais, os seus organismos autónomos, sociedades mercantís locais e entidades públicas empresariais locais, nos termos que ao respecto se establecen na propia instrución.