Novas

A Escola Galega de Administración Pública, en colaboración coa Axencia Tributaria de Galicia (Atriga), convoca o segundo curso monográfico de actualización de criterios de actuación no ámbito tributario autonómico galego. O curso impartirase en dúas modalidades simultáneas: presencial, na EGAP, e telepresenza.

O día 22 de abril está prevista a publicación no DOG da convocatoria en materia de Igualdade e violencia de xénero  2026 da EGAP.

A directora da Escola, Sonia Rodríguez-Campos, destacou que nun contexto marcado pola incerteza e os cambios constantes, "é máis necesario ca nunca apostar por espazos de encontro como este, onde a pluralidade de perspectivas se converte nun valor e nun motor de avance”.

O obxectivo deste foro é o intercambio de ideas, opinións e propostas de mellora sobre un tema de actualidade como é a reforma do modelo de financiamento autonómico.

A Escola Galega de Administración Pública, ao abeiro do Acordo de colaboración subscrito coa Consellería competente en materia de igualdade e loita contra a violencia de xénero , convoca 16 actividades de formación e 800 prazas dirixidas aos profesionais que atenden directa ou indirectamente ás vítimas de todas as formas de violencia de xénero dos centros de información á muller de Galicia (CIM); ao persoal do Centro de Recuperación Integral para Mulleres que Sofren Violencia de Xénero (CRI); do Centro de Emerxencia para Mulleres en Situación de Violencia de Xénero (CEMVI); das casas de acollida; das oficinas de atención á vítima e á cidadanía de Galicia, así como ao persoal da Administración xeral da Comunidade Autónoma de Galicia que presta servizos na Dirección Xeral de Loita contra a Violencia de Xénero e na Dirección Xeral de Promoción da Igualdade ou nas unidades administrativas de igualdade dos departamentos territoriais das delegacións da Xunta e ao persoal das entidades integrantes da Rede galega contra a trata.