Novas

O DOG do 25 de xaneiro publica a convocatoria das actividades formativas que compoñen o Plan formativo ofimático de Galicia desenvolvido pola EGAP xunto coa Axencia para a Modernización Tecnolóxica de Galicia. Os cursos van dirixidos ao persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e de administración e servizos (PAS) das universidades do Sistema universitario de Galicia (SUG).

(ACTIVIDADE ADIADA) A EGAP convoca en colaboración coa Axencia para a Modernización Tecnolóxica de Galicia e no marco da iniciativa Universo EGAP Innova, as XII e XIII Xornadas de formación práctica dixital (E-martes) para os días 2 e 16 de febreiro, que terán lugar de xeito individual. 

O DOG do 11 de xaneiro publica o Plan de formación continua da EGAP, un documento que recolle as actividades formativas dirixidas ao persoal ao servizo da Administración pública da Comunidade Autónoma de Galicia, das entidades públicas instrumentais e da Administración institucional, da Administración de xustiza de Galicia, das entidades locais de Galicia e ao persoal de administración e servizos (PAS) das tres universidades galegas (UDC, USC e UVigo).

A Escola Galega de Administración Pública convoca unha bolsa de formación dirixida a persoas que remataran o grao ou licenciatura en Dereito ou en ciencias xurídicas das administracións públicas con posterioridade a xaneiro de 2015. 

A Escola Galega de Administración Pública convoca unha bolsa de formación destinada a persoas que remataran o grao ou licenciatura en Socioloxía ou Ciencias Políticas con posterioridade a xaneiro de 2015.