Novas

A través do convenio de colaboración subscrito entre a Escola Galega de Administración Pública e o Consello Consultivo de Galicia convócanse tres cursos dirixidos ao persoal empregado público das entidades locais e do sector público autonómico de Galicia.

Preguntas e respostas frecuentes sobre as medidas adoptadas pola Escola Galega de Administración Pública como consecuencia da pandemia do coronavirus, en consonancia coas medidas preventivas adoptadas polo Goberno central e a Xunta de Galicia.

No DOG núm. 49-Bis publicouse o Acordo do Consello da Xunta de Galicia, do 12 de marzo de 2020, polo que se adoptan as medidas preventivas en materia de saúde pública na Comunidade Autónoma de Galicia, como consecuencia da evolución da epidemia do coronavirus COVID-19. Na Escola Galega de Administración Pública, seguindo as súas indicacións: 

A EGAP convoca catro actividades formativas en liña dirixidas, cada unha delas, a apoiar a preparación das probas selectivas para o acceso, pola quenda de promoción interna, aos corpos superior, subgrupo A1; de xestión, subgrupo A2; administrativo, subgrupo C1; e auxiliar subgrupo C2 da Administración xeral da Comunidade Autónoma de Galicia. 

A EGAP convoca este curso monográfico coa finalidade de contribuír á incorporación da perspectiva de xénero nas tarefas que desenvolve o persoal empregado público nos diferentes ámbitos, poñendo o foco na forma en que a violencia de xénero afecta as mulleres adolescentes.