Novas

A Escola convoca no DOG do 20 de febreiro un total de 47 edicións formativas e 1770 prazas en materia de idiomas dirixidas ao persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e de administración e servizos das universidades galegas. 

A Escola Galega de Administración Pública (EGAP) acolleu hoxe a xornada Como loitar contra a aporofobia, o odio e a desinformación dende a Administración pública, unha actividade organizada en colaboración con EAPN-Galicia co obxectivo de prever calquera situación de discriminación que se poida dar por mor dos prexuízos existentes cara ás persoas en situación de pobreza ou exclusión social.

A EGAP convoca no DOG do 19 de febreiro 165 actividades formativas e 6007 prazas dirixidas ao persoal ao servizo da Administración xeral da Comunidade Autónoma de Galicia, das entidades públicas instrumentais do sector público autonómico e da Administración institucional.

O vicepresidente da Xunta, Alfonso Rueda, asistiu hoxe á sinatura do convenio entre a Escola Galega de Administración Pública (EGAP) e as tres universidades galegas para renovar a colaboración para o desenvolvemento de actividades de formación, divulgación e investigación, co obxectivo de aproveitar as sinerxías e os recursos destas institucións.

De acordo co convenio de colaboración subscrito entre a Escola Galega de Administración Pública e o Instituto Galego de Seguridade e Saúde Laboral convócanse dous cursos de prevención de riscos laborais nivel básico na modalidade de teleformación.