Novas

Despois da súa aprobación polo Consello Reitor o pasado 19 de decembro, a EGAP publicou no DOG do 10 de xaneiro o Plan de formación previsto para o ano 2020, que contén un total de 580 edicións formativas e 28.377 prazas.

A directora da Escola Galega de Administración Pública (EGAP), Sonia Rodríguez-Campos, informou esta mañá ao Consello Reitor do dito organismo sobre o programa formativo previsto para o próximo ano, que incluirá máis de 28.300 prazas para persoal empregado público e que será publicado no DOG nos próximos días.

Cos nosos mellores desexos para o 2020.

Esta mañá tivo lugar na Escola Galega de Administración Pública (EGAP) un obradoiro xurídico-práctico sobre contratación dirixido en exclusiva ao persoal empregado público de Galicia. Esta actividade, á que asistiron 50 persoas, tivo como finalidade comprender e coñecer en profundidade todas as fases do procedemento de contratación desde un punto de vista práctico e usando técnicas de dinámica de grupo coma o role play.

O próximo 17 de decembro terá lugar na EGAP a IV Xornada de formación práctica dixital (E-martes), centrada nos sistemas para a contratación pública: Portal contratos de Galicia. Licitación electrónica SILEX. Xestión de expedientes de contratación PLATION. Este contido adaptarase aos dous grupos de persoas a que vai dirixida a actividade, e constará dunha introdución xurídica (común) e posterior práctica nas aulas de informática da escola.