Novas

A Escola Galega de Administración Pública, en colaboración con Cualtis S.L.U., convoca un curso de prevención de riscos laborais: primeiros auxilios, loita contra incendios e evacuación dirixido ao persoal que presta servizos nos centros de traballo da provincia de Lugo do Instituto Galego da Vivenda e Solo e da Axencia de Protección da Legalidade Urbanística.

A EGAP convoca o curso monográfico Liquidación práctica dos tributos locais, coa finalidade de estudar as características básicas e o funcionamento das principais figuras tributarias de natureza obrigatoria e o uso da capacidade fiscal dos concellos galegos e das deputacións provinciais, e analizar a liquidación básica da fiscalidade local. 

A EGAP, en colaboración co Consello Consultivo de Galicia, convoca un curso para o persoal empregado público das entidades locais e do sector público autonómico de Galicia, no que se dará preferencia ao persoal habilitado nacional e funcionario da Administración local dos subgrupos A1 e A2 que teña responsabilidades en materia de tramitación e instrución relacionados coas materias do curso.

A aprobación do Estatuto de Autonomía para Galicia foi froito do consenso acadado entre os distintos actores políticos a través dun proceso que comezou cos traballos realizados pola chamada Comisión dos dezaseis. Esta comisión, integrada por representantes de diferentes formacións políticas con presenza en Galicia, presentou un texto profundamente modificado pola “Ponencia dos nove” e que sería aprobado na asemblea de parlamentarios galegos o 5 de maio de 1979. Xa no seu paso, último, polo Congreso dos Deputados, experimentou novas modificacións derivadas da sinatura do denominado “Pacto do Hostal” en setembro de 1980 que cristalizarían no texto definitivo posteriormente sometido a referendo do pobo galego.

Os martes 5 e 19 de outubruo terán lugar na EGAP, en Santiago de Compostela, dúas novas xornadas de formación práctica dixital (E-martes) que abordarán a contratación pública de Galicia a través dunha parte teórica común aos dous grupos de persoas destinatarias e dunha posterior parte práctica adaptada a cada grupo nas aulas de informática da escola.