Novas

A EGAP e a Amtega convocan un curso dirixido ao persoal delegado de protección de datos (en diante DPD) nomeado ou cuxo nomeamento estea previsto a curto prazo, na Administración xeral da Xunta de Galicia, no sector público autonómico e órganos estatutarios. Tamén poderán participar as persoas que formen parte do equipo de apoio aos DPD nos ámbitos anteriormente indicados e outro persoal da Amtega con responsabilidades en materia de protección de datos.

A EGAP convoca dous cursos de formación de carácter obrigatorio en prevención de riscos laborais nas tarefas de tipo administrativo dirixidos ao persoal ao servizo da Administración de xustiza de Galicia.

A EGAP convoca, no marco do Ciclo de conferencias sobre Presente e futuro do emprego público na Administración post COVID, un seminario web que terá lugar o próximo 22 de abril e que ten como obxectivo ofrecer unha visión integral e interrelacionada das responsabilidades administrativas, penais, disciplinarias e contables para a súa mellor comprensión por parte do persoal empregado público

A EGAP, en colaboración con Cualtis, S.L.U., convoca cinco cursos presenciais de prevención de riscos laborais destinados ao persoal dos equipos de alarma e evacuación; de primeira intervención e de primeiros auxilios, así como ao persoal que exerza a xefatura de emerxencia e/ou primeira intervención, dos centros de traballo da Xefatura Territorial da Consellería do Medio Rural en Ourense, da Xefatura Territorial da Consellería de Sanidade en Ourense, da Oficina de Emprego de Ourense-A Ponte e da Oficina de Emprego de Ourense-Centro.

A EGAP e o Instituto Galego de Seguridade e Saúde Laboral (Issga) convocan, a través dun convenio de colaboración, un curso de prevención de riscos laborais de nivel básico para persoal empregado público, traballador por conta allea ou autónomo, empresario e persoas con inquietudes no ámbito da prevención de riscos laborais.