Novas

A Escola Galega de Administración Pública convoca 47 actividades de formación continua en materia de idiomas para o persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e de administración e servizos (PAS) das universidades do Sistema universitario de Galicia (SUG).

Curso de formación en prevencion riscos laborais de caracter obrigatorio para o persoal dos centros de traballo de menos de 50 traballadores/as incluídos na programación do Servizo de Prevención de Riscos Laborais para o ano 2025 na provincia de Pontevedra e o persoal do edificio Administrativo da cidade de Pontevedra (Campolongo)

A EGAP convoca un total de 37 edicións e 925 prazas en teleformación de cursos de linguaxe administrativa e xurídica galega, dirixidas ao persoal empregado público destinado nas administracións territoriais, institucionais e entes públicos instrumentais do sector público da Comunidade Autónoma de Galicia, así como ao persoal da Administración de xustiza de Galicia e ao PAS das universidades galegas.

A Escola Galega de Administración Pública (EGAP) convocará ao longo do 2025 un total de 698 cursos, 42.340 prazas e 123 novidades formativas dirixidas ao persoal empregado público galego. Así o adiantou esta mañá a directora da EGAP, Sonia Rodríguez-Campos, durante o Consello Reitor do organismo, presidido polo conselleiro de Facenda e Administración Pública, Miguel Corgos.

O conselleiro de Facenda e Administración Pública, Miguel Corgos, e a directora da Escola Galega de Administración Pública (EGAP), Sonia Rodríguez-Campos, entregaron esta tarde na Escola o Premio Manuel Colmeiro. Trátase dun galardón creado no 1992 pola Xunta de Galicia, a través da EGAP, para distinguir traballos de investigación que teñen como obxecto a Administración Pública de Galicia, e que conta cunha dotación económica de 3.500 euros. Ao acto tamén asistiu o presidente do xurado, Jaime Rodríguez-Arana Muñoz.