Novas

A Escola Galega de Administración Pública, en colaboración co Colexio Oficial de Arquitectos de Galicia (COAG), convoca o Curso superior de urbanismo 2017-2018 co obxectivo de achegar coñecementos teórico-prácticos para actuar no mundo da ordenación do territorio e do urbanismo e responsabilizarse dos procesos de xestión do solo.

De acordo co Convenio de colaboración subscrito entre a Escola Galega de Administración Pública e o Concello da Coruña para o desenvolvemento de actividades de formación, divulgación e investigación, convócanse dous cursos para o persoal do Concello da Coruña. 

De acordo co convenio de colaboración asinado entre a Escola Galega de Administración Pública e o Consello Consultivo de Galicia, convócanse dúas actividades formativas presenciais: Os recursos administrativos na nova Lei 39/2015, do 1 de outubro e Curso práctico sobre responsabilidade patrimonial das entidades locais. 

A Axencia para a Modernización Tecnolóxica de Galicia e o Colexio Profesional de Enxeñaría en Informática de Galicia organizan na EGAP o próximo 29 de setembro unha xornada sobre a adaptación da Lei de protección de datos ao Regulamento (UE) 2016/679 do Parlamento Europeo e do Consello, do 27 de abril de 2016, relativo á protección das persoas físicas no que respecta ao tratamento de datos persoais e á libre circulación destes datos. 

A EGAP acollerá os días 9, 10 e 11 de outubro o curso Como traballar a educación emocional infantil, co fin de  achegar ao alumnado os fundamentos das emocións e a xestión emocional como algo que se aprende nas relacións de coidado (especialmente no ámbito afectivo familiar e educativo) e que é a base da seguridade emocional necesaria para un adecuado desenvolvemento psicosocial.