Novas

A directora da Escola Galega de Administración Pública, Sonia Rodríguez-Campos, e o presidente da Asociación de funcionarios do corpo superior da Administración Pública da Xunta de Galicia, Pablo Amenedo, asinaron hoxe en Santiago de Compostela un convenio para colaborar- desde o punto de vista da formación, a investigación e a divulgación- na asunción dos novos retos da Administración, tales como a planificación por obxectivos ou a administración electrónica.

A Escola Galega de Administración Pública convoca esta actividade formativa coa finalidade de favorecer o desenvolvemento de estratexias de comunicación efectiva e afectiva, promovendo unha intervención comunicativa eficaz coas persoas que presentan deterioración cognitiva, a través da integración das técnicas de comunicación emocional.

A Vicepresidencia e Consellería de Presidencia, Administracións Públicas e Xustiza convoca o Premio Manuel Colmeiro na súa vixésima edición co gallo de fomentar e distinguir traballos de estudo e investigación sobre as administracións territoriais, institucionais e os entes públicos instrumentais do sector público da Comunidade Autónoma de Galicia. Os traballos poderán versar sobre a súa organización, estrutura, funcións e/ou ámbitos competenciais.

De acordo co convenio de colaboración asinado o 4 de xaneiro de 2017 entre a Escola Galega de Administración Pública e o Instituto Galego de Seguridade e Saúde Laboral para o desenvolvemento de actividades de formación, divulgación e investigación, convócanse tres edicións do curso de prevención de riscos laborais nivel básico para empregados públicos, traballadores por conta allea ou autónomos, empresarios e aquelas persoas con inquietudes no ámbito da prevención de riscos laborais.

Grazas ao convenio de colaboración asinado o 4 de xaneiro de 2017 entre a Escola Galega de Administración Pública e a Deputación Provincial de Ourense para o desenvolvemento de actividades de formación, divulgación e investigación, convócanse cursos para persoal da Administración local de Galicia.