Persoas destinatarias: poderá participar nas ditas accións formativas unicamente o persoal empregado público que teña solicitado participar nas probas selectivas convocadas para o acceso pola quenda de promoción interna aos corpos indicados anteriormente.

Matrícula: desde as 8 horas do 12 de marzo ás 23.55 horas do 23 de marzo en https://egap.xunta.gal/matricula 
*AVISO: Debido á situación excepcional a EGAP permitirá a matrícula fóra de prazo para estas actividades. Todas aquelas persoas que non puideran matricularse poderán enviar un correo electrónico a xestion.egap@xunta.gal solicitando a matrícula. Esta farase efectiva despois de que o persoal da Escola comprobe o cumprimento dos requisitos da convocatoria, momento no que o alumno/a recibirá un correo electrónico e/ou SMS de confirmación.

Inicio das actividades: 30 de marzo
Características das actividades: cada unha das actividades está composta de contidos multimedia actualizados e cuestionarios de corrección automática, que facilitan unha aprendizaxe autónoma máis efectiva. Os contidos de cada actividade formativa serán tutelados polos/as titores/as nomeados pola EGAP, que apoiarán os/as alumnos/as para a debida comprensión dos temas e a resolución de dúbidas e cuestións que poidan formularse durante un prazo de tres meses que se contará a partir da data de comezo da actividade. Para tal efecto, o alumnado disporá dos foros correspondentes.