A partir do 22 de xuño será imprescindible solicitar cita previa para acudir ao rexistro da EGAP, situado na planta baixa do edificio.
-
Como solicito a cita previa?
A través do enderezo web
https://www.xunta.gal/cita-previa ou no teléfono 981 546 235. De o precisar, a persoa interesada poderá cancelar a
cita na mesma web.
-
Con canta antelación debo facer a solicitude?
Cun mínimo de 24 horas.
-
Que medidas de protección debo seguir?
Ao entrar no edificio deberase realizar unha adecuada hixiene de mans, empregando auga e xabón ou xel. Ademais, deberase manter unha distancia mínima de seguridade co persoal de atención e coas demais persoas presentes nas instalacións.
-
Que trámites podo realizar?
Tan só a presentación de solicitudes ou escritos e limitado a un trámite por cita. Non está habilitada a solicitude da Chave 365 nin do certificado FNMT de persoa física.
Dende a Escola agradecemos o compromiso da cidadanía coas medidas de protección adoptadas.