Escola Galega de Administración Pública
Xunta de Galicia - Vicepresidencia e Consellería de Presidencia, Administracións Públicas e Xustiza
Mapa web   |   Accesibilidade   |   Contacto
EGAP EGAPFORMACIÓN MULTIMEDIA ACTUALIDADE COÑECEMENTO
  • Imagen 1 de 7  

    A ética pública centrará o contido do próximo número da revista Administración&Cidadanía

    Publicacións / Mércores, 1 de Xullo de 2020.

    Esta mañá reuniuse na Escola Galega de Administración Pública o consello editorial da Revista Administración&Cidadanía para aprobar os contidos do número 1 volume 15 que estará dedicado á ética pública. 


    A dita publicación, que estará dispoñible nas próximas semanas, incluirá artigos centrados na prevención da corrupción dentro da Administración pública con textos sobre temáticas concretas coma a calidade da gobernanza, a Directiva de Protección do Denunciante, a fraude na contratación pública, a experiencia da Oficina Antifraude de Cataluña ou o fomento da integridade, entre outros. Ademais, este número tamén contará cun texto relativo ao modelo de renda básica de emancipación e cunha comparativa das constitucións española e italiana.

    Grazas á recente dixitalización das revistas da Escola, estes artigos poderán ser consultados e descargados de balde dende a páxina web da EGAP (https://egap.xunta.gal/revistas/AC), contribuíndo deste xeito ao fomento da investigación dende o eido público.

    Administración & Cidadanía é unha revista creada no ano 2006 que pretende ofrecer un novo enfoque sobre a realidade organizativa e xerencial da Administración pública e achegar novas perspectivas ao estudo dos procesos de intervención pública e do seu impacto desde as perspectivas económica, xurídica, política e sociolóxica.
     
  •   Anterior Seguinte  
    Pax 873 de 878
SIGUENOS ...
 
Matrícula
 
AULA VIRTUAL
 
CONTIDOS RELACIONADOS
 
CONTACTO
© Xunta de Galicia. Información mantida e publicada na internet pola Xunta de Galicia
Oficina de Rexistro e Información | Suxestións e queixas | Aviso legal | Atendémolo/a | RSS
Turismo de Galicia