Novas

A Escola Galega de Administración Pública convoca, por segundo ano consecutivo, as subvencións destinadas ao financiamento de plans de formación para o emprego promovidos polas entidades locais de Galicia para o ano 2015, no marco do Acordo de formación para o emprego das administracións públicas (AFEDAP).

A directora da Escola Galega de Administración Pública, Sonia Rodríguez-Campos, presentou esta mañá o plan de actividades deste organismo para o ano 2015 durante o Consello Reitor, onde explicou que prevé a convocatoria de 439 edicións formativas e 20.355 prazas para o ano 2015, o que resulta un 9,75 por cento máis de edicións e un 10,27 por cento máis de prazas ca no ano anterior.

O curso monográfico Ética pública e medios para previr a corrupción, organizado pola EGAP, que tivo lugar os días 27 e 28 de novembro, acadou unha excelente valoración entre os asistentes.

A Escola Galega de Administración Pública, a Secretaría Xeral para o Deporte, a Dirección Xeral de Traballo e Economía Social e a Dirección Xeral de Xuventude e Voluntariado convocan unha xornada para informar o sector deportivo sobre os distintos encadramentos xurídicos das actividades desenvolvidas nas entidades deportivas sen ánimo de lucro por adestradores, técnicos, deportistas e outras figuras. Esta xornada ten por obxectivos facilitar información práctica sobre a normativa en vigor nos ámbitos laboral e de acción voluntaria, e actualizar os coñecementos dos axentes deportivos para a mellora última das súas competencias.