Novas

A través do convenio de colaboración asinado entre a Escola Galega de Administración Pública, a Axencia para a Modernización Tecnolóxica de Galicia e o Colexio Profesional de Enxeñaría Informática de Galicia convócanse os cursos de Introdución a ITIL, Introdución á Administración electrónica e Seguridade da información e protección de datos de carácter persoal.

A Escola Galega de Administración Pública convoca no DOG do 28 de agosto un curso online de lingua alemá e dous cursos presenciais de lingua francesa (nivel inicial e intermedio) dirixidos en exclusiva ao persoal da Administración autonómica.

A Escola Galega de Administración Pública abre un novo prazo de matrícula para completar o número de solicitudes do curso FC14173: Habilidades de comunicación e organización de recursos, que terá lugar en Santiago de Compostela entre o 13 e o 23 de outubro.

Grazas ao convenio de colaboración subscrito entre a Escola Galega de Administración Pública e o Colexio Territorial de Secretarios, Interventores e Tesoureiros de Administración Local de Pontevedra para o desenvolvemento de actividades de formación, divulgación e investigación, convócase o Curso sobre as novas instrucións da contabilidade pública local. Este ten como finalidade dar a coñecer as novidades máis relevantes que incorporan as novas instrucións de contabilidade pública local, con especial referencia ao modelo normal.

Grazas ao convenio de colaboración asinado o 3 de xaneiro de 2014 entre a Escola Galega de Administración Pública e o Concello da Coruña ponse en marcha un curso de Aplicacións informáticas para presentacións: gráficas de información (Microsoft Office 2010).