Novas

Grazas a un convenio de colaboración asinado coa Federación Galega de Municipios e Provincias (Fegamp), a Dirección Xeral de Administración Local e o Instituto de Estudos do Territorio (IET), a EGAP convoca o Curso de rehabilitación, renovación e rexeneración urbana en Galicia: métodos, accións, xestión e aplicación do novo Plan 2013-2016.

A directora da Escola Galega de Administración Pública, Sonia Rodríguez-Campos, presentou no Consejo de Estado o libro Derecho Social y Administración Pública acompañada de José Manuel Romay, presidente do Consejo de Estado, de Leopoldo Calvo-Sotelo, Letrado Maior do Consejo de Estado, e Fernando Manrique, catedrático de Dereito do Traballo e da Seguridade Social da Facultade de Dereito da Universidad de Deusto.

A EGAP abre un novo prazo de matrícula para as edicións de Vigo e Ourense do curso Nocións básicas de contabilidade pública que terá lugar durante o mes de xuño en ambas as dúas localidades.

A Escola Galega de Administración Pública comezou as celebracións relativas ao Día das Letras Galegas este xoves cunha conferencia dedicada ao poeta lucense Xosé María Díaz Castro, que foi pronunciada polo profesor, ensaísta e crítico literario Armando Requeixo.

A Escola Galega de Administración Pública, en colaboración co Xurado de Expropiación de Galicia, a Federación Galega de Municipios e Provincias (Fegamp) e a Dirección Xeral de Administración Local, organiza un curso sobre expropiación forzosa e valoracións: procedemento expropiatorio, métodos de valoración e a súa aplicación polo Xurado de Expropiación de Galicia para a determinación do prezo xusto.