Novas

A Axencia para a Modernización Tecnolóxica de Galicia (Amtega) e a Escola Galega de Administración Pública (EGAP) poñen en marcha probas para obter a certificación galega de competencias dixitais dirixidas ao persoal ao servizo das administracións públicas na Comunidade Autónoma de Galicia.

GEODEM, Centro de Enxeñería e Innovación para o Desenvolvemento Ambiental cofinanciado pola Universidade de Vigo, ofrece cursos de educación ambiental en colaboración coa EGAP, grazas a un convenio de colaboración asinado entre estes dous organismos. As actividades formativas están relacionadas coa xestión forestal, o desenvolvemento sostible e o impacto ambiental, entre outros.

O DOG de hoxe publica a resolución pola que se convocan cursos de linguaxe xurídica galega para o persoal ao servizo da Administración de xustiza e outros colectivos relacionados coa xustiza, que presten servizos dentro da Comunidade Autónoma de Galicia.

En base ao convenio de colaboración asinado entre o Centro Informático para a Xestión Tributaria, Económico-financeira e Contable e a Escola Galega de Administración Pública, póñense en marcha dous cursos destinados ao persoal do CIXTEC.

Debido ao reducido número de solicitudes presentadas, a EGAP abre un novo prazo de matrícula para os cursos FC13037 "O desenvolvemento práctico da directiva de servizos: procedementos administrativos adaptados" (edición Santiago), FC13100 "A responsabilidade do Estado por violacións do dereito da UE na xurisprudencia recente do TXUE e do TS español" e FC13038 "Manual de estilo do DOG e outras publicacións institucionais" (edición Pontevedra).