Novas

GEODEM, centro de Enxeñaría e Innovación para o Desenvolvemento Medioambiental, é unha “spin-off” da Universidade de Vigo que ofrece cursos de formación ambiental avanzada, en colaboración e co recoñecemento da EGAP. Estes cursos de e-learning inciden expresamente en temáticas de carácter ambiental, tales como xestión ambiental, xestión forestal sostible, desenvolvemento sostible, Rede Natura, XIS e responsabilidade social corporativa, entre outros.

A universidade de Vigo, en colaboración coa Escola Galega de Administración Pública (EGAP), pon en marcha o Máster oficial en Dirección pública e liderado institucional, centrado no desenvolvemento de competencias directivas e destinado aos empregados públicos dos grupos A1 e A2 de todas as administracións públicas galegas (incluídas a local e a universitaria).

En virtude do convenio de colaboración entre a EGAP e a Universidade de Vigo, asinado o 11 de xuño de 2012, infórmase aos interesados sobre o Máster en Ordenación Xurídica do Mercado. Esta titulación ofrece formación xurídica interdisciplinar para licenciados en Dereito, Economía, Administración e dirección de empresas, e Ciencias políticas. A docencia semipresencial permite adaptar o estudo aos horarios de traballo dos interesados ou a outras actividades. Tamén é posible a matrícula a tempo parcial.

A Escola Galega de Administración Pública (EGAP), en colaboración coa Secretaría Xeral de Política Lingüística, convoca no DOG núm. 108, do 7 de xuño de 2012, sete edicións do curso de linguaxe administrativa galega (catro do nivel medio e tres do superior).

Os exames, convocados no DOG de hoxe, terán lugar na sede da Escola Galega de Administración Pública, en Santiago de Compostela, durante os meses de xuño e outubro.