Novas

A EGAP convoca os cursos de linguaxe administrativa e xurídica galega correspondentes ao ano 2022, dirixidos tanto ao persoal ao servizo das distintas administracións da Comunidade Autónoma de Galicia coma ao persoal ao servizo da Administración de xustiza que preste servizos fóra da Comunidade Autónoma de Galicia.

A Escola Galega de Administración Pública, a través da sinatura dun convenio de colaboración co Consello Consultivo de Galicia, convoca seis cursos en teleformación dirixidos ao persoal empregado público das entidades locais e do sector público autonómico de Galicia.

A Escola Galega de Administración Pública, en colaboración coa Axencia para a Modernización Tecnolóxica de Galicia, convoca as actividades correspondentes ao Plan formativo ofimático de Galicia, un total de 40 edicións na modalidade de teleformación e 2000 prazas distribuídas en 10 cursos diferentes. 

A Escola Galega de Administración Pública e a Deputación de Ourense convocan, mediante un convenio de colaboración, un curso básico de aplicacións informáticas de follas de cálculo con Microsoft Excel, dirixido ao persoal empregado público da Administración local de Galicia. 

A EGAP publica no DOG do 27 de decembro as 674 actividades e 34.419 prazas de formación continua que serán convocadas ao longo do próximo ano. Estas accións están dirixidas en exclusiva ao persoal ao servizo da Administración pública da Comunidade Autónoma de Galicia, ao persoal das entidades públicas instrumentais e da Administración institucional, ao persoal ao servizo da Administración de xustiza de Galicia, ao persoal ao servizo das entidades locais de Galicia e ao persoal de administración e servizos (PAS) das universidades do Sistema universitario de Galicia (UDC, USC e UVigo).