Novas

A Escola Galega de Administración Pública convoca esta actividade co obxectivo de afondar no coñecemento da actividade de inspección ambiental, tanto desde unha perspectiva técnico-xurídica como desde unha perspectiva práctica. Ademais, pretende formar os asistentes no coñecemento da normativa e dos procedementos de inspección ambiental e, de maneira específica, nas actividades de prevención e control integrado da contaminación (IPPC) no campo industrial e no de residuos; dotar o alumnado dos coñecementos e das habilidades necesarias para exercer as súas funcións adaptándose ás novas exixencias e cambios producidos nos últimos anos; e abordar o réxime de responsabilidade ambiental e de emerxencias do Plan Camgal.

A Escola Galega de Administración Pública convoca 25 actividades formativas e 1210 prazas para o persoal empregado público e as persoas integrantes das bolsas de interinos dos corpos de xestión procesual e administrativa, tramitación procesual e administrativa, auxilio xudicial e médicos forenses da Administración de xustiza en Galicia en situación de servizo activo

A Escola Galega de Administración Pública convoca 41 cursos e 1837 prazas dirixidas o persoal funcionario de Administración local con habilitación de carácter nacional e o resto do persoal empregado público ao servizo das entidades locais da Comunidade Autónoma de Galicia, incluído aquel que estea prestando servizos noutras administracións públicas de Galicia. 

A Escola Galega de Administración Pública, coa colaboración da Axencia para a Modernización Tecnolóxica de Galicia, convoca 88 actividades sobre tecnoloxías da información e da comunicación (TIC), administración electrónica e protección de datos para o persoal ao servizo da Administración xeral da Comunidade Autónoma de Galicia, das entidades públicas instrumentais e da Administración institucional, así como para o persoal ao servizo da Administración de xustiza de Galicia.

A Escola Galega de Administración Pública e a Axencia para a Modernización Tecnolóxica de Galicia convocan un curso para o persoal delegado de protección de datos nomeado ou cuxo nomeamento estea previsto a curto prazo, na Administración xeral da Xunta de Galicia, no sector público autonómico e órganos estatutarios. Tamén poderán participar as persoas que formen parte do equipo de apoio aos DPD nos ámbitos anteriormente indicados e outro persoal da Amtega con responsabilidades en materia de protección de datos.