Novas

A Escola Galega de Administración Pública convoca no DOG do 25 de marzo o programa de autoformación para o persoal ao servizo da Administración da Comunidade Autónoma de Galicia, consolidando así a acción formativa iniciada o ano pasado e renovando os seus contidos formativos para incluír novos temas de interese.

Co obxectivo de dar a coñecer no ámbito da Administración local a doutrina sentada polo Consello Consultivo de Galicia en distintas materias en que a súa intervención é preceptiva a Escola Galega de Administración Pública convoca, en colaboración co Consello Consultivo de Galicia, o curso “A función consultiva para o persoal ao servizo da Administración local.

A Escola Galega de Administración Pública convoca no DOG do 24 de marzo un bolsa de xestión documental en contornas dixitais para realizar estudos e prácticas nesta materia na propia EGAP. Vai destinada a persoas que remataran con posterioridade a xaneiro do ano 2002 a diplomatura en biblioteconomía e documentación ou a licenciatura en documentación.

A Escola Galega de Administración Pública convoca, en colaboración coa Secretaría Xeral para o Deporte e a Fundación Galicia Europa, unha Xornada sobre financiamento europeo para proxectos de fomento da actividade física e do deporte que ten como finalidade informar o sector deportivo sobre as diferentes posibilidades de financiamento de proxectos europeos neste ámbito.

Baudilio Tomé Muguruza, membro do Tribunal de Contas Europeo, pronunciou na Escola Galega de Administración Pública un relatorio sobre o control dos fondos públicos na UE como clausura do I Seminario sobre transparencia administrativa e protección dos intereses financeiros da Unión Europea na Eurorrexión Galicia-Norte de Portugal.