Novas

No DOG do 4 de decembro de 2013, a EGAP publica as bases para a contratación temporal, pola modalidade de obra ou servizo determinado, dun doutor en psicoloxía ou socioloxía para realizar proxectos de investigación.

O próximo mércores 11 de decembro terá lugar no Centro Sociocultural Fundación Novacaixagalicia da Coruña unha Xornada de innovación social organizada polo Instituto Nacional de Administraciones Públicas (INAP) e o Consello Social da Universidade da Coruña.

A Xunta de Galicia traballa na consecución dun consenso social para a redacción e aprobación da primeira lei autonómica para a xestión e administración do sistema portuario. Así o manifestou hoxe a conselleira do Medio Rural e do Mar, Rosa Quintana, na inauguración da xornada de posta en común sobre as directrices que deberán rexer a futura normativa, celebrada na Escola Galega de Administración Pública de Santiago de Compostela.

A Escola Galega de Administración Pública acolleu esta mañá unha xornada sobre a mediación como vía para resolver conflitos, organizada pola Unión Profesional de Galicia. Á inauguración desta actividade asistiron Sonia Rodríguez-Campos, directora da EGAP; Juan José Martín, director xeral de Xustiza; e José Mª Arrojo, presidente de Unión Profesional de Galicia.

A Asociación Galega AMARANTE Setem organiza, en colaboración Dirección Xeral de Relacións Exteriores e coa UE da Xunta de Galicia, o III Curso formativo de ferramentas de Compra Pública Responsable que terá lugar durante os días 27 e 28 de novembro de 2013 na Escola Galega de Administración Pública, en Santiago de Compostela.