Novas

Grazas á sinatura dun convenio, a Escola Galega de Administración Pública e a Consellería de Medio Ambiente, Territorio e Infraestruturas poñen en marcha un Curso superior de inspección ambiental en Galicia destinado exclusivamente ao persoal da Secretaría Xeral de Calidade e Avaliación Ambiental que realicen funcións de inspección ambiental.

A EGAP e o ISSGA, a través da sinatura dun convenio, organizan un curso sobre a Aplicación do Sistema de Análise Triangular do Acoso (SATA 3.0) para o persoal técnico do ISSGA e para os técnicos dos servizos de prevención de riscos laboráis da Xunta de Galicia.

A EGAP; a Vicepresidencia e Consellería de Presidencia, Administracións Públicas e Xustiza, a través do Servizo de Prevención de Riscos Laborais; e Mugatra Sociedade de Prevención S.L.U. organizan un curso de prevención de riscos laborais para o persoal que presta servizos nas escolas infantís da Xunta de Galicia.

Este exemplar da Revista Galega de Administración Pública (Regap) inicia a serie de número monográficos desta publicación ofrecendo unha análise da ordenación autonómica do territorio e do urbanismo como factores esenciais na organización do territorio e da vida da poboación dunha comunidade.

A directora da Escola Galega de Administración Pública, Sonia Rodríguez-Campos, deu conta hoxe das innovacións en materia formativa da EGAP nunha pregunta parlamentaria na que destacou a aposta do centro pola teleformación e a autoformación como medidas para garantir unha aprendizaxe máis eficaz e un maior aproveitamento de recursos.