Novas

O DOG do 27 de xaneiro publica a convocatoria de dous cursos para obter o diploma de directiva ou directivo da Xunta de Galicia, un deles destinado ao persoal da Administración autonómica e outro dirixido ao das entidades locais. O primeiro dos cursos para obter o diploma de directiva ou directivo vai destinado ao persoal funcionario, ao persoal laboral fixo, ao persoal sanitario e ao persoal docente ao servizo da Comunidade Autónoma de Galicia. No caso do segundo, os destinatarios son os empregados públicos das entidades locais galegas.

A Escola Galega de Administración Pública publica no DOG do 24 de xaneiro a primeira convocatoria de actividades de formación continua para o persoal da Administración autonómica do ano 2014, que suporá a posta en marcha de 8.466 prazas.

A Escola Galega de Administración Pública e o Parlamento de Galicia poñen en marcha dous cursos en teleformación de lingua inglesa grazas á sinatura dun convenio de colaboración entre as dúas entidades. Estas actividades están dirixidas exclusivamente ao persoal do Parlamento de Galicia.

A Escola Galega de Administración Pública e o Instituto Galego da Calidade Alimentaria (Ingacal) poñen en marcha tres cursos en teleformación de ofimática grazas á sinatura dun convenio de colaboración entre as dúas entidades. Estas actividades están dirixidas aos empregados do Ingacal e ao persoal ao servizo da Administración autonómica da Xunta de Galicia que desenvolva as súas funcións nos centros coordinados polo Ingacal.

A Escola Galega de Administración Pública celebrou o inicio do curso de Contabilidade pública local, que ten como obxectivo formar os técnicos das entidades municipais para que poidan adaptarse á nova normativa que entrará en vigor no ano 2015.