Novas

O vicepresidente e conselleiro de Presidencia, Administracións Públicas e Xustiza, Alfonso Rueda; a directora da EGAP, Sonia Rodríguez-Campos; e o director xeral de Administración Local, José Alberto Pazos, asistiron ao acto de inauguración do Curso para a obtención do diploma de directivos autonómicos e locais esta tarde na sede da EGAP en Santiago de Compostela.

Máis de cen enxeñeiros asistiron ao curso técnico sobre cambios e novidades lexislativas en materia de avaliación ambiental, posto en marcha grazas a un convenio asinado entre a Escola Galega de Administración Pública e o Colexio de Enxeñeiros de Camiños, Canais e Portos de Galicia.

En virtude do convenio de colaboración asinado entre a Escola Galega de Administración Pública e o European Institute of Real Estate Risk Analysis, ambos os organismos poñen en marcha o curso Basic Risk Certificate (Analista de riscos inmobiliarios).

A EGAP; a Vicepresidencia e Consellería de Presidencia, Administracións Públicas e Xustiza, a través do Servizo de Prevención de Riscos Laborais; e Mugatra Sociedade de Prevención S.L.U. organizan un curso de prevención de riscos laborais para o persoal que presta servizos nas residencias de maiores da Xunta de Galicia.

O I Seminario sobre transparencia administrativa e protección dos intereses financeiros da Unión Europea na Eurorrexión Galicia-Norte de Portugal servirá para abordar aquelas medidas dirixidas a que a cidadanía poida coñecer en que e como se empregan os fondos públicos. Ademais, formularanse propostas para mellorar a transparencia do sector público co propósito de garantir que a cidadanía poida coñecer o volume de gastos e ingresos das administracións, quen son os destinatarios dos contratos públicos, quen se beneficia de cada subvención ou canto custa realizar unha obra ou fomentar unha determinada actividade.