Novas

O próximo 29 de novembro o salón de actos da Escola Galega de Administración Pública acollerá unha xornada técnica sobre a mediación como vía para resolver conflitos organizada pola Unión Profesional de Galicia. Esta actividade ten como obxectivo formar aos profesionais interesados neste eido nas reformas que o goberno central pretende levar a cabo para potenciar a vía da mediación a través dos colexios profesionais.

A Escola Galega de Administración Pública acolleu esta mañá a xornada presencial do Curso sobre accesibilidade universal aplicada: vías, espazos públicos e mobilidade accesible, organizado en colaboración co Colexio de Enxeñeiros de Camiños, Canles e Portos de Galicia.

Esta mañá, na Escola Galega de Administración Pública, o conselleiro de Medio Ambiente, Territorio e Infraestruturas, Agustín Hernández, e a directora da EGAP, Sonia Rodríguez-Campos, asistiron ao inicio dun curso de disciplina urbanística dirixido en exclusiva a axentes do Servizo de protección da natureza da Garda Civil e a axentes da Policía Nacional.

A directora da Escola Galega de Administración Pública, Sonia Rodríguez-Campos, inaugurou esta mañá un seminario dirixido a concretar as reformas necesarias para racionalizar e facer máis eficientes as nosas administracións, simplificar o seu funcionamento e, indo máis alá, facer sostible o Estado autonómico no actual contexto. Para iso, contou con xuristas e académicos expertos, en todo caso, nas materias nas que se estruturou o dito seminario.

A Escola Galega de Administración Pública e o Concello da Coruña, a través da sinatura dun convenio, poñen en marcha un curso de Aplicacións informática de tratamento de textos (Microsoft Office 2010) destinado a auxiliares administrativos e auxiliares de atención ao cidadán do Concello da Coruña.