Novas

A Escola Galega de Administración Pública (EGAP) e o Instituto Galego de Seguridade e Saúde Laboral (ISSGA), grazas á sinatura dun convenio de colaboración, poñen en marcha un curso básico de Prevención de Riscos Laborais destinado a empregados, traballadores por conta allea ou autónomos, traballadores designados e delegados de prevención, empresarios e aquelas persoas con inquietudes no ámbito da prevención de riscos laborais.

O prazo de matrícula de 2 edicións de perfeccionamento de xefatura de sección e de 4 de xefatura de negociado comezará o martes 4 de febreiro ás 8 horas.

As actividades formativas anunciadas a continuación, actualmente en prazo de matrícula, sufriron modificacións nas súas datas ou no seu horario.

O DOG do 27 de xaneiro publica a convocatoria de dous cursos para obter o diploma de directiva ou directivo da Xunta de Galicia, un deles destinado ao persoal da Administración autonómica e outro dirixido ao das entidades locais. O primeiro dos cursos para obter o diploma de directiva ou directivo vai destinado ao persoal funcionario, ao persoal laboral fixo, ao persoal sanitario e ao persoal docente ao servizo da Comunidade Autónoma de Galicia. No caso do segundo, os destinatarios son os empregados públicos das entidades locais galegas.

A Escola Galega de Administración Pública publica no DOG do 24 de xaneiro a primeira convocatoria de actividades de formación continua para o persoal da Administración autonómica do ano 2014, que suporá a posta en marcha de 8.466 prazas.