Novas

A Escola Galega de Administración Pública, dentro do Plan de actividades formativas do ano 2014 para o persoal da Administración autonómica, convoca no DOG do 27 de febreiro un total de 3500 prazas de acceso libre das materias integradas no Plan formativo ofimático de Galicia.

A Escola Galega de Administración Pública (EGAP) e o Colexio Territorial de Secretarios, Interventores e Tesoureiros de Administración Local de Pontevedra (Cosital) poñen en marcha o III Curso de actualidade xurídica de réxime local: a reforma dos gobernos e administracións locais, no cal se analizarán as últimas reformas normativas que introduciron modificacións de enorme relevancia no ámbito local.

A directora da Escola Galega de Administración Pública, Sonia Rodríguez-Campos, e o director da Axencia para a Calidade do Sistema Universitario de Galicia, José Eduardo López, asinaron hoxe un convenio de colaboración en materia formativa na sede da escola.

Grazas á sinatura dun convenio, a Escola Galega de Administración Pública e o Colexio de Enxeñeiros de Camiños, Canais e Portos de Galicia poñen en marcha o Curso técnico sobre cambios e novidades lexislativas en materia de avaliación ambiental. Normativa estatal e autonómica.

Grazas á sinatura dun convenio, a Escola Galega de Administración Pública e a Consellería de Medio Ambiente, Territorio e Infraestruturas poñen en marcha un Curso superior de inspección ambiental en Galicia destinado exclusivamente ao persoal da Secretaría Xeral de Calidade e Avaliación Ambiental que realicen funcións de inspección ambiental.