Novas

A comisión de avaliación, despois de revisar todas as solicitudes recibidas, fai públicos os resultados de baremación da bolsa de bolsa de formación na área de documentación e biblioteconomía convocada no DOG do 25 de abril de 2013.

De cara á elaboración do Plan de Formación do ano 2014, a EGAP quere coñecer as propostas de formación do persoal que integra a Administración autonómica. Por este motivo, pon en marcha un proceso de detección de necesidades formativas a través dunha enquisa na súa páxina web, na que os empregados públicos poderán expresar a súa preferencia acerca de temas de formación futuros.

A Escola Galega de Administración Pública (EGAP) convoca no DOG núm. 142, do venres 26 de xullo de 2013, o Curso de Sistemas de Información Xeográfica 2013; unha actividade formativa realizada en colaboración coa Federación Galega de Municipios e Provincias (Fegamp), a Dirección Xeral de Administración Local e o Instituto de Estudos do Territorio (IET).

A Axencia para a Modernización Tecnolóxica de Galicia (Amtega) e a Escola Galega de Administración Pública (EGAP) poñen en marcha probas para obter a certificación galega de competencias dixitais dirixidas ao persoal ao servizo das administracións públicas na Comunidade Autónoma de Galicia.

En virtude do convenio de colaboración asinado o 3 de xaneiro de 2013 entre a Escola Galega de Administración Pública e a Axencia Galega de Desenvolvemento Rural e o 15 de xaneiro co Instituto Tecnolóxico para o Control do Medio Mariño de Galicia e o Consello Económico e Social de Galicia, ponse en marcha un curso medio de linguaxe administrativa galega.