Novas

A Escola Galega de Administración Pública abre un novo prazo de matrícula para completar o número de solicitudes presentadas nas probas de avaliación de carácter libre das actividades formativas que terán lugar do 16 ao 19 de xuño e que foron convocadas no DOG do 27 de febreiro.

A Escola Galega de Administración Pública inicia un curso dirixido a abordar o contido esencial da Lei de racionalización e sustentabilidade da Administración local e a achegar luz sobre aquelas cuestións que necesiten de certa precisión. Ademais, dará a coñecer as solucións articuladas na Lei de medidas urxentes, á cal a Xunta de Galicia deu luz verde no Consello da Xunta o pasado 20 de marzo.

A través do convenio de colaboración asinado entre a Escola Galega de Administración Pública e a Axencia Galega de Desenvolvemento Rural (Agader) ponse en marcha o curso As subvencións. Regulación estatal e autonómica.

Grazas ao convenio de colaboración asinado entre a Escola Galega de Administración Pública e Mugatra Sociedade de Prevención S.L.U. póñense en marcha un curso sobre Prevención de riscos laborais na defensa contra incendios forestais e outro sobre Prevención de riscos laborais: primeiros auxilios, loita contra incendios e evacuación.

A Escola Galega de Administración Pública convoca 28 actividades destinadas aos empregados públicos dos corpos de xestión procesual e administrativa, tramitación procesual e administrativa, auxilio xudicial e médicos forenses da Administración de xustiza en Galicia; e aos membros das bolsas de interinos dos corpos de xestión procesual e administrativa, tramitación procesual e administrativa e auxilio xudicial da Administración de xustiza, dependentes da Comunidade Autónoma de Galicia.