Novas

A comisión de avaliación, despois de revisar todas as solicitudes recibidas, fai públicos os resultados de baremación da bolsa de bolsa de formación en técnicas vinculadas a sistemas de xestión da teleformación convocada no DOG do 25 de abril de 2013.

A directora, Sonia Rodríguez-Campos, recibiu esta mañá a unha delegación chinesa que asistiu na Escola Galega de Administración Pública a unha conferencia sobre o momento actual de China.

A EGAP pon en marcha sete cursos en teleformación dos niveis medio e superior do curso de linguaxe administrativa galega, destinados exclusivamente aos empregados públicos que traballen nas entidades locais de Galicia.

Dentro das actividades programadas para o ano 2013, e de acordo co convenio de colaboración asinado o 30 de xaneiro de 2013 entre a Escola Galega de Administración Pública e a Consellería de Traballo e Benestar para o desenvolvemento de actividades de formación, divulgación e investigación; convócase un curso de capacitación para o desempeño da función de inspección de servizos sociais.

A EGAP, en colaboración co Parlamento de Galicia, convoca unha xornada que ten como obxectivos dar conta dos principais modelos de democracia rexional existentes e o seu funcionamento actual e afondar no coñecemento dos deseños institucionais e a proposta de liñas de mellora.