Novas

A EGAP; a Vicepresidencia e Consellería de Presidencia, Administracións Públicas e Xustiza, a través do Servizo de Prevención de Riscos Laborais; e Mugatra Sociedade de Prevención S.L.U. organizan un curso de prevención de riscos laborais para o persoal que presta servizos nas escolas infantís da Xunta de Galicia.

Resolución do 26 de febreiro de 2013, da Dirección da Escola Galega de Administración Pública sobre a apertura dun novo prazo de presentación de solicitudes do curso FC13062  Elaboración e implantación de plans de emerxencia.

O Consello Consultivo de Galicia (CCG) e a Escola Galega de Administración Pública (EGAP) colaborarán e desenvolverán de xeito conxunto actividades de carácter formativo, divulgativo e investigador en materias da competencia de ambas institucións, segundo se recolle no convenio asinado hoxe pola presidenta do CCG, Mª Teresa Conde-PumpidoTourón, e pola directora da EGAP, Sonia Rodríguez-Campos González.

O vicepresidente e conselleiro de Presidencia, Administracións Públicas e Xustiza, Alfonso Rueda; e a directora da EGAP, Sonia Rodríguez-Campos, asistiron ao acto de inauguración do Curso para a obtención do diploma de directivos autonómicos e locais, no cal destacaron a importancia da formación deste tipo de persoal para poder adaptarse á continua evolución que está a vivir o sector público.

A directora da Escola Galega de Administración Pública (EGAP), Sonia Rodríguez-Campos González, e a presidenta do CES, Corina Porro Martínez, asinaron a renovación do convenio de colaboración que manteñen ambas as entidades para o desenvolvemento de actividades de formación, divulgación e investigación. Coa sinatura deste documento, esténdese a vixencia do documento ata o 31 de decembro de 2013.